Универзумот е преголемо место за да бидеме сосем сами, зар не?
Во светот постојат многу теории за вонземјаните, нивниот прв контакт со човечката раса, како и за тоа што всушност сакаат од нас.
Верувале или не во нив, ви претставуваме 10 од најинтересните и најневеројатните теории на оваа тема.
Теорија на зоолошка градина – човечката раса е набљудувана од вонземјани кои се далеку поинтелигентни од неа. Не стапуваат во контакт со нас бидејќи на тој начин би ја попречиле нашата еволуција.
Теорија на спори – користејќи ги астероидите, метеорите и сличните тела вознемјаните на Земјата расејуваат спори. Со текот на времето тие ќе заземат некој облик на живот.
Теорија на взаемен договор – американската влада и супериорните вонземјани имаат договор уште од 1948-ма година. Тие ја снабдуваат Америка со технологија, а властите им дозволуваат да експериментираат со луѓе.
Заговорот Френклин – Британците прикриле остатоци од вонземски суштества кои усмртиле цела експедиција на Артикот уште во 1840-та година.
Месечината како вселенски брод – природниот сателит на Земјата во суштина е вселенски брод кој е донесен до нашата планета уште пред 11 илјади години. Во него се сместени суштества кои манипулираат со нашиот ум.
Хитлеризам – ариевката раса е директен потомок на вонземјаните кои се пареле со луѓе. Според тоа Хитлер се уште е жив и го чека доаѓањето на 4-от Рајх.
Луѓе во црно – слично како популарниот филм, станува збор за тајна организација која совршено ги крие трагите на вонземјаните на Земјата
Антички вонземјани - отсекогаш се со човековата раса и помагаат кога е потребно. Помогнале во изградбата на пирамидите, Стоунхенџ и други слични места.
Елитни рептили - вонземјаните се рептили кои имаат способност да ја менуваат формата и да се трансформираат во луѓе. Нивната цел е да се инфилтрираат во елитата и на тој начин да завладеат со планетата.
Раелиан движење – верување според кое животот на Земјата го создале вонземјани кои се нарекуваат Elohim. Тие често ја посетуваат нашата планета, но ги заменуваат со богови и ангели.