Оберхенсли признал дека ја убил и ѝ ги изел мозокот, срцето и белите дробови на својата девојка Тами Џо Блантон. Сега тој се соочува со обвиненијата на крволочно убиство бидејќи пред една недела провалил во куќата на својата бивша свршеница, ја убил, сварил и изел.
Според извештајот полицајците го пронашле нејзиното крваво тело, а делови од нејзиниот череп биле изрежани. Полицијата во куќата нашла и чинија полна со крв и коски, како и даска и прибор за готвење измачкани со крв. Според полицискиот извештај, Оберхенсли подоцна признал дека ја сварил и ја изел Тами.
Полицијата го открила нејзиното мртво тело под завеста во када во бањата.
Таа имала фатални повреди на главата, вратот и торзото. Черепот бил очигледно уништен. Ткиво од нејзиното тело било пронајдено во кантата за отпадоци.
Џозев има долго досие, тој во 2000 година, кога е осуден поради убиство на својата тогашна девојка Сабрина Елдер (17) во 1998 година, пукал во неа и ја усмртил. Елдер, пред кобната случка го родила нивниот син, а нејзиното убиство се случило во куќата на бабата на Оберхенсли, која се обидел да ја убие, за што бил осуден, исто така.
Во 2012 година е пуштен условно на слобода, но во 2013 година упаднал во неволји бидејќи се обидел да задави член од обезбедувањето на еден клуб.
Пред два месеци е уапсен поради пребрзо возење, а Тами Џо Блантон тогаш платила 1.000 долари за да го пуштат.
Тужителот Џереми Мул тогаш барал поголема кауција, но неговиот колега, кој сега дал оставка, ја намалил кауцијата допуштајќи му на Оберхенсли да излезе на слобода. Првичната кауција била 25.000 долари, пред тој да може да биде пуштен на слобода повторно, но била намалена на 5.000 долари, овозможувајќи му да биде пуштен за 500 долари.
- Почувствував дека е опасен, и бев во право. Тоа ме прогонува – рекол Џереми Мул.