Американската уметничка сцена во последно време е „шокирана“ од уметничките дела на 24-годишната Црногорка, Дарија Бајагиќ, во чие средиште е нејзината фасцинираност кон порнографијата и сериските убијци.
После дипломата која таа ја добила на американскиот универзитет Јеил и самостојната изложба во Њујорк и Варшава, Дарија станува ѕвезда на арт сцената. Ова уметничка, со живеалиште во Њујорк, е родена во Подгорица 1990-та година. Израснала во Каиро, а нејзината фамилија во 1999-та се преселила во САД.
Деканот на академијата на која Дарија студирала, историчарот по уметност, Роберт Стор, имал толку проблеми со нејзината употреба на порнографија, па ја нарекол луда и и' предложил да оди на терапија на трошок на Јеил.
- Ми кажа дека сум луда и дека Јеил ќе ми ги плати сите трошоци за терапија и советувања со цел да ми помогнат со мојата опсесивно-компулсивна навика за собирање на фотографии од девојки и порнографија... И дека треба да се истражам себе си со цел да сфатам кои проблеми ги имам со себе, вели Дарија.