Решението на Ајнштановата загатка

Ова е решението на Ајнштајновата загатка, чекор по чекор.

1) Со однапред добиените податоци, јасни се три работи:

Норвежанецот живее во првата куќа (точка бр.9)

Плавата куќа е всушност втора куќа, бидејќи Норвежанецот живее покрај сина куќа (точка бр.14)

Во средната куќа, тоа е третата куќа, пијат млеко (точка бр.8)

Во табела тоа би изгледало вака:

2) На основа на точка бр.4, дека зелената куќа е лево од белата куќа и според точка бр.5 дека сопственикот на зелената куќа пие кафе, тоа може да бидат само четвртата и петтата куќа.

3) Бидејќи Британецот живее во црвена куќа (точка бр.1), тоа може да биде само третата куќа.

4) Според точка бр.7, сопственикот на жолтата куќа свири клавир, а тоа може да биде само првата куќа.

5) Човекот кој чува коњи, живее покрај човекот кој свири клавир (точка бр.11), што може да биде само втората куќа.

6) Бидејќи чај може да се пие само во втората или петтата куќа, бидејќи Данецот пие чај (точка бр.2), а пивото исто така се пие само во втората или петтата куќа, бидејќи личноста која свири на хармоника пие пиво (точка бр.12), тогаш во првата куќа, може да биде само она што останало – вода.

7) Труба мора да свири сопственикот на втората куќа, бидејќи човекот со трубата е сосед на човекот кој пие вода (точка 15).

8) Швеѓанецот и Германецот може да бидат во четвртата и петтата куќа, бидејќи Швеѓанецот чува кучиња (точка бр.2), а Германецот свири гитара (точка бр.13), тоа значи дека за втората куќа останал само Данецот кој пие чај (точка бр.3)

Во преостанатата петта куќа, го додаваме пивото, со кое иде и хармониката, бидејќи само тие две останаа.

9) Бидејќи Германецот свири на гитара (точка бр.13), тој живее во четвртата куќа.

Во петтата куќа го оставаме Швеѓанецот со кучињата (точка бр.2), а во третата куќа останатиот инструмент виолина, со која одат и птиците (точка бр.6).

10) На човекот кој свири на труба сосед му е комшијата со мачињата, па мачињата би можеле да бидат само во првата куќа.

11) Што значи дека бараните риби може да бидат само во четвртата куќа, односно кај Германецот!