Без разлика каде живеете и како изгледате, ако сте жена барем еднаш во животот ви се случило додека слободно шетате по улица сосема непознати луѓе да ви дофрлуваат најразлични коментари.
Слатка си...Маче...Може да се запознаеме?...Застани да те прашам нешто...
На светските ранг листи Њујорк е едно од најпосакуваните места за живеење, но ако сте жена треба да бидете особено внимателни кога сами шетате по улица.
Жена облечена во црна маичка и фармерки го тестираше однесувањето на мажите по њујоршките улици. Таа шеташе 10 часа низ Менхетн, а камерата пред неа ги снимаше сите дофрлувања од страна.
-Ова дневно им се случува на многу луѓе. Не дозволуваме малтретирање во училиштата или на работа, па тогаш зошто треба да го дозволуваме тоа на улиците? е прашањето кое што се поставува со ова видео.
Она што навистина вознемирува во ова видео е фактот што некои од мажите кои се потполни странци, освен тоа што дофрлуваат, започнуваа да ја следат иако таа воопшто не им возвраќа на коментарите.