Јапонската фирма „Shimizu Corporation“ верува дека луѓето до 2030 година ќе живеат под вода. За да го воспостават ова, тие направиле план вреден 25 милијарди долари, кој го нарекле „спирален океан“. Се работи за подводен еко-град во кој би живееле околу 5.000 луѓе.
- Тоа не е сон – туку реална цел, изјавил Хидео Имамура, портпарол на компанијата.
Централниот дел на градот би требало да биде 15км долга спирала во која се наоѓаат бизнис простори, станови и хотели. На 3.000 до 4.000 метри под морската површина би се наоѓал центар за истражување на извори на енергија. Луѓето од компанијата тврдат дека подводните градови би биле многу посигурни од потреси и цунами и дека на овој начин би се решил и проблемот со подигнување на нивото на морето.