Синовите на Аркан, Војин и Вељко Ражнатовиќ се препукуваат на социјалните мрежи додека медиумите на големо шпекулираат дека нивниот татко е жив.
Последен кој даде свој коментар во општата мешаница, е кумот на Цеца и Аркан, Борислав Пелевиќ.
-Аркан тешко би поднел доколку знае дека синовите му се расправаат. Тој и Цеца ги споија децата од сите бракови. Имам многу заеднички фотографии. Многу ми е жал поради ова што се случува. Не сакам повеќе да коментирам бидејќи не сакам да го повредам ниту Вељко, ниту Војин, изјави Пелевиќ.
Дилемата околу Аркан ја испровоцира токму неговиот син Вељко. Тој за време на својата роденденска прослава во пијана состојба велеше дека татко му е жив. По ова Војин започна да го исмева по социјалните мрежи и караницата доби голем размер.