Кејли Моран минатиот четврток шетала со ќеркичката и добила плик од постар маж, а првата мисла што и дошла била претпоставката дека се работи за некоја хуманитарна акција, а тоа што го видела внатре ја изненадило.
Откако го отворила пликот таа не не можела да им верува на сопствените очи. Во пликот имало 200 фунти, односно 250 евра.
Кејли не знае кој е таинствениот Дедо Мраз, но многу му е благодарна и вели дека парите ќе ги искористи за да ја посети мајка и за празниците и со дел ја платила надгробната плоча за нејзината баба.
-Не можам да верувам како некој може да биде толку добар. Ова многу ми значи и би сакала да и се заблагодарам на оваа личност. Во прашање е постар маж, од околу 70 години. Никогаш порано не сум го видела, ниту сум забележала дека им даде нешто на другите луѓе, изјави Моран.
Во пликот покрај парите, нашла и честитка во која пишувало - Ситница за тебе, сè најдобро за Божиќ.