Иако пеглата треба редовно да ја чистете за да не се насоберат тврдокорни дамки и нечистотии, повеќето од нас поради недостаток на време, чистењето на ова куќно помагало неретко го запоставуваме.
Сигурно многу пати сме имале незгоди со пеглата, па баш кога најмногу ни била потребна, знаела да не изнервира поради тоа што ни ја уништила омилената кошула. И токму затоа нашите мајки и баби знаат да пеглаат со памучна влажна крпа, а секогаш не советуваат истото да го направиме и ние.
Сепак, постои еден сосема едноставен трик, кој ќе ви ја исчисти пеглата. Се што ви треба е стара крпа или алуминиумска фолија на која треба да ставите малку покрупна сол. Загреаната пегла поминете ја врз крпата со сол, а солта и текстурата без никакви последици ќе ги извади сите нечистотии. Евтин трик кој вреди да го пробате, но и да го практикувате.