И покрај солидната плата од 55.000 евра на годишно ниво, на ова работно место веќе со години никој не сака да работи. Во прашање е работа со пилиња кои се штотуку испилени, а на кои британската индустрија го заснова својот извоз. Сите во Велика Британија се загрижени и сметаат дека недостатокот на работна сила на оваа позиција негативно влијае врз производството.
Во прашање е одредување на полот на малите пилиња, што подразбира вештина за која на луѓето потребни им се три години за да ги научат ситните разлики. Потоа овие обучени работници би требало во рок од 3-5 секунди да одредат дали пилето е машко или женско.
За оваа работа неопходна е прецизност од 98 проценти, а низ рацете на работникот дневно треба да поминат околу 1200 пилиња.
- На работникот најпрво неопходна му е обука која трае 3 години, а дури потоа го пуштаме да работи со толкава прецизност. Веројатно проблемот лежи во самата работа, која е монотона и здодевна бидејќи секој ден гледате едно исто, објаснува Едру Ларџ, извршниот директор.
Погледнете го видеото во кое е прикажано како изгледа оваа работа: