Кралот на базените, неверојатниот Ентони Арчер Вилс, во светот е познат по тоа што е најдобар, а тоа е проектирање на базени и вештачки езера. Неговата работа изгледа како базените да се формирани од раката на природата и да се стари над 1000 години.
Ентони со неговите помошници, Дејв и Ед, дизајнираат и градат извонредни базени кои се стопуваат со природата како од секогаш да биле таму. Без обѕир каде градат-пустина, падина, планина- триото создава спектакуларни, бујни оази на места каде претходно не постоело ништо. Тие ги поместуваат границите со секој нов проект. Тимот тоа го нарекува „Ентони фактор“ заради неговата упорност во константното проширување на дизајнот користејќи се повеќе камења, помасивни карпи и поголеми дупки. Ентони притоа се обидува да го спаси секое стебло или цвет кој ќе се најде на патот при изградбата на базенот. Како што и самиот Ентони кажува дека ваквиот тип на базени ја чуваат околината и пружат дом на водените билки, а и го разубавуваат целокупното искуство при пливање.
Во секоја епизода на серијалот „Кралот на базените“ (Pool masters) која ќе се прикажува од 1-ви април на Discovery Channel каналот кој се емитува на
MaxTV и е достапен под реден број 102, Арчер се поврзува со духот и телото на секое тло за да го осмисли дизајнот, да ги најде вистинските материјали и камења кои му се потребни. Базените дизајнирани од Ентони не се секојдневни и не се среќаваат секаде.