Велигденските јајца се познат симбол кој се изработува за време на велигденските празници. Сепак, освен фарбањето на јајцата, секогаш сме понесени од духот и сакаме да си ја украсиме целата куќа со разни декорации, зајчиња, пилиња, слама и што ли уште не.
Поради тоа, ви предлагаме да направите шарени јајца од конец. Сè што ви е потребно се балони, конец во боја и штирак.
Надувајте ги балоните, во големина колку што сакате да ви бидат јајцата, натопете го конецот во штирак, намотајте го околу балонот и потоа заврзете друг конец на балонот и оставете да се исуши. По некое време дупнете го балонот и ќе ја добиете вашата декорација за Велигден.