Деветнаесет годишниот рибар Макс Мугериџ во Австралискиот Gold Coast фати тигреста ајкула додека ловел покрај брегот и со тоа стана вистински хит на интернет.
Иако како што пишуваат австралиските медиуми 4 метарското животно било огромен предизвик за 19-годишниот Австралиец сепак тој решил да не се предаде и се борел со ајкулата околу три часа.
- После некои 20 секунди јас сфатив дека сум влегол во борба со ајкула и дека најверојатно сум влегол во нешто во кое што и самиот никогаш не сум очекувал. Ајкулата се фати за јадицата некаде во 7 и 15 утрото, а успеав да ја извлечам во 10 часот и 30 минути. Моите раце беа прекриени во крв. Самото фаќање на вакво нешто ми беше животна цел, изјави тој.
На крај ајкулата била вратена во океанот, па поради тоа немојте да се тревожите.