Децата кои живеат во најсиромашните делови од светот честопати мораат да одат боси бидејќи нивните родители не можат да си дозволат постојано да им купуваат обувки. Овој глобален проблем наскоро ќе замине во историјата благодарение на сандалите што растат.
Пронаоѓачот Кентон Ли создаде обувки од компресирана гума, кожа и копчиња, кој што паралелно се зголемуваат со растењето на стапалото и може да се носат и до 5 години.
-Започнав да си поставувам себе си најразлични прашања кои потоа ме доведоа до оваа идеја – што ако постои обувка што ќе се прилагодува на стапалото и ќе се зголемува? Што ако направам пар обувки што ќе се прилагодуваат на детските нозе како што растат? На овој начин тие секогаш ќе имаат обувки кои одговараат на нивното стапало. Верувам дека создадовме нешто неверојатно, вели Ли кој сакајќи да им помогне на босоногите деца, се сетил да ги создаде овие сандали.
За сега се достапни две големини, за помлади и постари деца, а цената на еден пар е 30 долари.
Доколку одеднаш се купат 100 пара истата автоматски паѓа на 10 долари, со што сите организациите што сакаат да направат донација на сандали можат да го направат тоа по пониска цена.
Next Order of The Shoe from Because International on Vimeo.