Овие фотографии кои станаа вистински хит на интернет прикажуваат како еден Mercedes беше ставен во сендвич помеѓу два автобуси во Лондон во центарот на главниот град во Англија.
Иако можеби црвените даблдекери ви асоцираат дека можеби оваа смешна случка се случила во Скопје, сепак тоа не е така.
- Во целиот овој циркус беа вклучени четири возила. Пред првиот автобус имаше Audi TT, кое беше толку многу силно удрено што отиде можеби метар и половина нанапред. Потоа помеѓу двата автобуси се најде Mercedes-от кој беше удрен и од напред и од позади. Се направи огромна гужва па можеби имаше и дури 15 автобуси кои се заглавија на улицата во центарот на Лондон, изјави Ричард Белтран (38) кој работи во близина и бил сведок на целата случка.
