Во последно време забележуваме се поголема популарност на дизајнирање мобилни куќи за одмор. Ви ја претставуваме невидливата мобилна куќа која нуди сè за совршено прибежиште и одмор од секојдневието.
Необичниот екстериер направен е од рефлектирачки стаклени огледала за да се вклопи со целата средина. Невидливата куќа всушност е изградена од претходно обликувани дрвени површини со цел да се монтира на која било локација која ја посакувате.
Оваа куќа за одмор е со мали димензии од 3.5 метри ширина и 14.5 метри должина, а поделена е во три функционални зони. Ентериерот е дизајниран во светли тонови во минималистички стил, а од материјалите преовладува дрвото.