Велат дека еднаш кога ќе научиш да возиш велосипед веќе никогаш нема да заборавиш. Но, што е со велосипедските тури? Постои ли идеална тура или сето тоа е само мит?
Истражувавме низ интернетот и пронајдовме неколку фасцинантни велосипедски патеки низ светот.
Државен пат бр.1, Виетнам
Овој исконски пат спојува два големи града во Виетнам, Ханои и Хо Чи Мин, а возењето велосипед по него значи дека ќе ја извозите целата должина на земјата. Должината на турата е 1112км и потребни ви се отприлика две до три недели за да ја завршите. Евтино, преубаво и незаборавно искуство.
Патот Great Divide, САД и Канада
Ова е главната американска велосипедска патека која се протега од Ново Мексико па сè до границите со Канада. Ви изгледа долго? Па и долга е. Се работи за 4400км, но секој километар вреди, гледајќи го прекрасниот американски пејзаж.
Патека Munda Biddi, Австралија
Noongar Aboriginal е името на оваа 1000км долга патека за велосипедисти, која во превод значи пат низ шума. И точно тоа ќе го доживеете на оваа патека, високи дрвја од еукалиптус од кои будно ве набљудуваат коали.
Shimanami, Јапонија
Иако многу пократка од останатите патеки, долга 67км, не значи дека е толку малку вредна за внимание. Оваа патека води преку шест мали острови и е совршена за еднодневен излет.
Патека на големиот океан, Австралија
Како што и називот вели, оваа патека ве води преку 276км крајбрежје и песочни плажи. Малку песок во педалите никому не му наштетил.
Тура на големите Алпи, Франција
Патеката од 684км минува низ Француските Алпи и е составен дел од Tour de France. Патеката ве води од Женевското езеро до Средоземното море и би можела да биде совршен избор за летен одмор.