Конечно започна долго очекуваната сезона на одмор и патувања. Но, за да не ни пропаднат возбудливите авантури, мора да се испитаат резултатите од најновите истражувања за квалитетот на храната која се консумира низ светот.
Резултатите покажале дека туристите најчесто се трујат со храна во Шпанија, а веднаш зад неа се најдоа Турција и Египет. Анкетата се извршила меѓу 2.000 туристи од страна на британската фирма „Slater and Gordon“, каде што за Шпанија дури 30% од испитаниците изјавиле дека имале здравствени проблеми поради храната. Веднаш по Египет се нашол и нашиот јужен сосед Грција, а потоа и Франција, САД, Индија, Мароко и Тајланд.
Токму затоа, лекарите препорачуваат секогаш да се внимава на чистотата во рестораните и да се избегнуваат уличните специјалитети, без разлика на тоа колку вкусно изгледаат или мирисаат, бидејќи јаките зачини често го прикриваат мирисот и вкусот на расипаното месо.
Во летниот период најопасни се школките и морските плодови, бидејќи најбрзо се расипуваат, но и сладоледите и другите слатки кои во себе содржат јајца.