Туристичките претставници на Карипските земји бараат партнерство со владата на САД, плашејќи се дека затоплувањето на односите меѓу Куба и САД ќе доведе до значително намалување на бројот на туристи во нивните земји. Речиси сите туристи сакаат да ја посетат Куба, што и онака нискиот буџет на многу островски земји кои зависат од туризмот ќе се намали, ако не се преземе нешто.
- Отворањето на вратите на Куба за американските туристи е најголема пречка за Карибите во последните 50 години, известуваат туристичките претставници.
Од јануари до почетокот на мај, бројот на туристи од САД на Куба пораснал за 36% во однос на истиот период во минатата година. Карипските туристички претставници очекуваат тој број да се зголеми.
Оние кои ја посетуваат Куба, велат дека она што го нуди таа, не го нуди ниедна друга земја. Можеби е економски слаба, но има богата култура, на изглед некако валкана, но со прекрасни архитектонски градби.
Посетителите најчесто го посетуваат главниот град на Куба, Хавана, која се наоѓа на листата на светски богатства на УНЕСКО, поради богатата историја и прекрасните шарени улички. Овде можете да ги посетите плоштадот пред главната катедрала Catedral de San Cristobal, неверојатната стара градба од 18 век Casa del Cоnde Jaruco, како и легендарниот познат ресторан Bodeguita del Medio.
Љубителите на плажи, мора да ја посетат најубавата плажа во Куба, Varadero, која се краси со бел песок и тиркизна вода. Овде се наоѓаат над 50 хотели како и подводен парк кој е мошне популарен. Доколку сакате да се релаксирате на чист воздух, позната највисоката планината во Куба е Pico Turquino. Планинарите ја искачуваат за два до три дена и застануваат да ги погледаат неверојатните пејзажи.
Оние кои ја посетиле Куба, велат дека најдобра храна има во Bracoa, кое е мало историско гратче. Овде готвачите прават кубанска храна со употреба на разни зачини, кое секое јадење ви го прават посебно. Ако сакате да ја искусите Куба каква што не сте ја знаеле тогаш мора да го посетите градот Santa Clara, кој нуди сè што не сте очекувале овде: спонтан ноќен живот, предизвикувачка креативност и приватни станови за разни журки.
По овие привлечни места, кој не би посакал да ја посети Куба?