Грција е во криза, тоа го знаеме сите. Сепак, штом доаѓа лето веднаш размислуваме за одмор во нашиот јужен сосед, затоа што тоа некако ни е веќе истражена опција. И додека некои веќе биле на одмор, многумина решаваат оваа година да сменат и да не ја посетат оваа соседна земја. Токму затоа, како едно потсетување, ви прикажуваме некои работи кои навистина ќе ни недостигаат.
Гиро
Ништо повкусно од грчко гиро. Можеби го има и кај нас, но гиро не е гиро ако не сме покрај море, нели?
Tzatziki
Оваа салата толку ни е вкусна што знаеме и самите да ја приготвиме и да ја консумираме и со други работи. Но, без топлото лепче и месото за гиро со кои оди во комбинација, салатата не може да е толку вкусна.
Узо
Секогаш може да го купиме од продавница, но многу е поубаво кога го пиеме во тенки чаши, а во позадина ни свирка некоја грчка севдалинка.
Таверни
Преполните таверни со дрвени маси и столчиња, во кои се слуша грчка музика и се јадат грчки јадења. Токму овие таверни ги нема кај нас, а во Грција се мошне популарни, па кога сме на одмор најчесто седнуваме таму.
Тиркизно море
Штом помислите на Грција, веднаш на ум ви паѓа прекрасната тиркизна боја на морето. Токму поради неа одиме тука на одмор. Оваа година, ќе ни недостига.
Православни цркви
Грците се многу религиозни, па затоа во секое место, па макар и мало селце, ќе видите православна црква.
Шопинг во Солун
Тоа е денот кога се враќаме од одмор и секако мора да поминеме од Солун, за да направиме шопинг, да купиме некои работи и да се подготвиме за следната сезона.