Ресифи е еден од градовите во Бразил во кој, меѓу останатото, се играше Светското првенство во фудбал минатата година. Она што е специфично за овој град е дека во него се случил најголем процент на напади на ајкули во светот.
Имено, во периодот од 1992 до 2012-та година, во водите околу овој град се забележани 56 напади од ајкули, од кои 21 завршиле фатално, пренесува BBC. Последниот напад се случил во 2013-та година, кога една ајкула нападнала 18-годишна туристка од Сао Паоло, која за жал починала.
Додека локалците избегнуваат да влегуваат во оваа вода, не е реткост да се здогледа по некој турист кој не може да му одолее на пливањето.
Проблемот со овој приморски град е релативно нов. Пред 1990-та година не бил забележан толку голем процент на напади на ајкули. Причината за тоа е што во 80-тите години на минатиот век, изграден е голем лак кој ги поврзува пристаништата, а кој навлегува длабоко во океанот. Тоа ги нарушило навиките на акјулите кои живееле на ова место, по што биле принудени да се насочат кој поблиските плажи.
Државата се обидува да се бори против овој проблем така што организирала посебна служба која е задолжена за безбедно заловување на ајкулите и нивно пуштање подалеку во океанот, без при тоа да им бидат нанесени никакви повреди. Сепак, тие се уште не успеале да ја направат оваа наизглед рајска плажа потполно безбедна за капачите.