Македонците најмногу се одлучуваат за одмор кај нашиот јужен сосед. Наш предлог е Халикидики, кој ќе ве освои со белиот песок и чистата вода. Ви ги претставуваме најубавите плажи во овој регион.
Кавоуротрипес
Се работи за Балканските Кариби кои изгледаат како разгледница. Оваа плажа е оддалечена на само шест километри од Сарти, а во нејзин состав влегуваат и шесте песочни заливи, одделени од карпите. Поради тиркизната и топла вода, ова е една од најубавите плажи на вториот крак на Халикидики.
Лагониси
Уште една плажа која потсетува на Малдиви, а се наоѓа на источната страна на Халикидики. Овде може да си ги понесите своите столчиња и чадори, затоа што плажата нема кафе барови со лежалки.
Мирсини
Кој има прилика, треба со брод да отплови до најблискиот остров Дијапороса, кој крие неколку романтични плажи. Токму поради нивната убавина, овој остров се нарекува и рајски остров.
Бузулас
Се селиме на првиот крак на Халкидики, Касандра. Поточно на нејзината западна страна, во местото Сани. Таму е сместена плажата Бузулас, со бел песок и прекрасен мирис на бор. За жал, оваа плажа е достапна само за гостите на Сани ресортот.
Ксенија
Боите на Касандра ги брани и познатата Ксенија, плажа меѓу Пефкохори и Паљури, на источната страна на првиот крак. Ситниот бел песок, нереалната сина вода и природната ладовина на плажата, ја прават вистински рај.