Туз Голу, соленото езерото во Аксарај, Турција, изгледа како еден голем базен на ѓаволот, затоа што е целото обоено во црвена боја. За среќа, не се работи за некоја виша сила, туку сега е период на цветање на алгите кои се целосно безопасни.
Езерото испарува за време на летниот период, односно исчезнуваат планктоните, кои обично ги јадат алгите, објаснува професорот по екологија, Кристофер Гоблер.
- Сега, алгите цветат и најверојатно езерото ќе биде црвено сè додека езерската вода целосно не испари, што би требало да се случи идниот месец, додава проф. Гоблер.
Иако водата е безопасна, тој препорачува дека не е за пиење. Алгите се богати со црвен бета каротин, поради кои фламинго птиците имаат розова боја.
Туз Голу е едно од најголемите солени езера во светот, а второ по големина во Турција. Поголемиот дел од годината е големо околу 1502км2, а длабоко од 1 до 3 метри.
Езерото поцрвенува и се повлекува секое лето, оставајќи зад себе испукана сол, која ја снабдуваат половина Турција со резерви, а исто така привлекува и туристи кои сакаат да го фотографираат овој феномен.