Аквадом е голем цилиндричен аквариум во Германија, кој е висок 25 метри. Во неговата внатрешност се наоѓа мал стаклен лифт, кој ги спушта посетителите на неговото дно и им овозможува разгледување на морскиот свет. Многумина сметаат дека токму Аквадом е еден од најубавите аквариуми во светот.
Овој аквариум е сместен во хотелот „Radisson Blu“ во Берлин. Туристичката атракција е завршена во 2004 година, а неговата изградба чинела неверојатни 12.8 милиони евра.
Аквариумот е дом на 1.500 риби, а самиот е толку голем што секојдневно го чистат нуркачи по три до четири пати. Под Аквадомот се сместени други помали аквариуми, вклучувајќи и воден тунел, интерактивен базен со камења и други бројни атракции од морскиот свет.