Езерото Карачај, кое се наоѓа на југот на планината Урал, во Русија, е едно од најопасните места кои постојат на оваа планета. За помалку од еден час, во близина на ова езеро можете да примите смртоносна доза на радијација.
За време на 40-тите години на минатиот век, на ова место е направена руската фабрика Мајак за изработка на нуклеарно оружје, поточно за изработка на плутониум, во рамките на советскиот проект за атомски бомби.
Оваа фабрика руската влада вешто ја криела, а дури 50 години подоцна, Борис Елцин ја прогласил за отворен регион. Кога тоа се дознало, западните научници кои дошле во регионот, го прогласиле ова преубаво езеро за најзагадено место на светот. Дури и ден денес, тоа не е променето.
Со оглед на тоа што станало место за испуштање на радиоактивниот отпад, не само што езерото станало контаминирано, туку се загадиле и околните места, воздухот и водата.
Забележан е пораст на заболени од рак за 21 процент, бројот на новороденчиња со хендикеп се зголемил за 25 процент, а заболените од леукемија се зголемиле за 41 процент.
Заради тоа, областа околу ова езеро е потполно затворена за посетители, бидејќи самото приближување до нејзе би можела некого да убие.