Како што пристигна есента, така почнуваме да мислиме на зимница, чај, топло кафе, ги вадиме омилените џемпери од гардероберите, но најмногу од сè уживаме во фотографирање на неверојатните пејзажи. Некои дрвја пожолтуваат, некои лисја стануваат портокалови, а зимзелените се овде за да ги разбијат топлите тонови.
Поради убавината на есента, ви предлагаме неколку места во светот во кои може да уживате во есенската убавина.
Националната колекција на дрвја, Британија
Ако имате можност посетете ја националната колекција на дрвја во Глочестершајн, Британија, кој е прекрасен парк исполнет со разни видови на дрвја. Според нивните досегашни сознанија, првите дрвја чија боја на листови ќе се смени е дренот, а при крајот на септември ќе пожолтат и јаворот и оскорушата.
Јапонија
Во Јапонскиот јазик постои термин „koyo“ кој всушност ги означува есенските лисја. Од средината на септември секоја година, речиси целата Јапонија е обоена во златно-портокалови нијанси, кои траат сè до крајот на ноември.
Јужен Исланд, Нов Зеланд
Есен доаѓа малку подоцна на јужните предели, но погледот вреди да се чека до средина на април. Тие се обојуваат во жолта боја, а особено се убави оние покрај река или езеро.
Езерото Блед, Словенија
Познато како едно од најубавите езера во светот, езерото Блед е обиколено со планини, чии дрвја се прекрасни во есен. Неверојатниот есенски пејзаж ја разубавува и црквата од 17 век, која е изградена на карпа.
Баварија, Германија
Планините, езерата и шумите јужно од Минхен се нешто магично. Таму пожолтуваат дури и елките, во некоја не толку нападна, но сепак привлечна жолта нијанса. Сепак, ако не сакате да го пропуштите Oktoberfest, тогаш градината во Минхен ќе ви биде сосема доволна за да се освежите со есенска убавина.