Светот е исполнет со мистерии, а ако сте љубители на мистичноста сигурно уживате истражувајќи различни локации. Претпоставуваме дека адреналинот ви е на високо ниво додека откривате некои од најдобрите спектакуларни дестинации, а ние само ви предлагаме неколку кои што можете да ги додадете на вашиот список.
Стариот град Петра, Јордан
„Изгубениот град“ како што многумина го нарекуваат, составен е од стотици домови, гробови, замоци и олтари, како и театарот кој може да собере и 3000 публика. Се верува дека градот е изграден во 1 век п.н.е., па со оглед на тоа сигурно крие неверојатни тајни.
За да влезете во градот мора да поминете низ стрмна долина опколена со високи ѕидови и столбови од страните.
Кеопсовата пирамида во Гиза, Египет
Единственото чудо од античкиот свет кое постои до денес се верува дека било изградено како гроб за египетскиот крал Куфу, од четвртата династија кралеви на Египќаните.
Експертите веруваат дека градбата на гробот завршила во 2540 п.н.е., а откога е изградена пирамидата се смета за највисоката градба направена од човечки раце.
Стоунхенџ, Англија
Се верува дека Стоунхенџ е изграден околу 3000 и 2000 година п.н.е., но никој не знае како или што претставува. Иако постојат многу теории, од трансформирање на карпите, до преместување, Стоунхенџ е една од најголемите мистерии од старите времиња.
Наскански линии, Перу
Линиите претставуваат низа на стари геоглифи во пустината Сечура во Перу. Никој не знае како настанале овие линии со површина од околу 80км, кои претставуваат детални животни како мајмуни, птици, риби и лами.
Повеќето од нив може да се видат само при летање или од околните кули за набљудување. Сепак, се уште останува недоговорено прашањето како луѓето од примитивната цивилизација успеале да направат прецизни форми на толку голема површина, без да ги гледаат од огромна височина.