Од 1783 година, од кога е измислен, летот со балон е еден од најединствените начини да се патува. Езера, замоци, манастири, градови и села, речиси се изгледа поразлично кога се гледаат од балонот. Постојат некои места кои навистина се магични гледајќи ги од таа височина, а ние ви прикажуваме неколку кои навистина вреди да се доживеат.
Кападокија, Турција
Кападокија е убава како бајка создадена од ветар. Балонот за ова некогашно прибежиште на православните монаси го започнува својот пат од местото Горем. Најубаво е да полетате рано наутро и да уживате возејќи се додека изгрева сонцето.
Долината Лоаре, Франција
Оваа рајска долина на Франција е позната по „колекција“ дворци, рустични села, убави паркови и тивката река. Долината Лоаре е сместена близу Париз, а со балон најубаво е да ја посетите преку пролет или лето, кога ќе почнат да цутат дрвјата.
Луксор, Египет
Храмот во Луксор, градот Теба, храмот Хатшепсут и долината на кралевите се спектакуларен поглед кој ја надополнува сликата на реката Нил. Најдобро е да ги посетите за време на зајдисонце.
Вади Рум, Јордан
Драматичните карпи во Вади Рум постојат уште од праисторијата. Пустината е магична пред да падне ноќта, кога сонцето го обојува небото во црвена боја.
Серенгети, Танзанија
Познатиот национален парк, најинтересен е да се посети во време кога птиците, зебрите и газелите мигрираат. На ова единствено сафари искуство, кое вклучува и појадок во џунглата, обично се тргнува на изгрејсонце.