Огромна водена површина, села во кои и времето застанало, тврдини, манастири, богата флора и фауна – е она што го прави посебно Скадарското езеро.
Ова езеро се простира на 400км2 и е единствено. Се наоѓа на површината на две земји, Црна Гора и Албанија. Можеби кога го гледате сметате дека знаете сè за него, но тоа не е така.
Сите имаат да кажат по нешто за езерото и тоа често им го зборуваат на туристите кои сакаат да се возат со кајче по него или пак да се шетаат околу неговата површина и да уживаат во брановите.
- Ма каков интернет! Секој весник е мал за да се раскаже сè она што го носи езерото со себе со векови, нудејќи им опстанок на луѓето, птиците и рибите. За него најдобро ќе дознаете во неговите води или бранови, објаснува Војо Петровиќ од Подгорица.
Скадарското езеро е дом на над 280 видови птици, но исто така разновиден е и животинскиот свет. Овде постојат неколку ресторани каде што може да уживате во добрата храна и вина, но и да уживате гледајќи ги рибите како пливаат во водата.
На крајбрежјето на езерото некогаш се наоѓале околу 60-ина манастири и цркви. Некои од нив се рушени,а други се уште постојат. Освен црквите, овде се наоѓал и Grmožur, кој во времето на кнез Никола бил затвор од кој било невозможно да се избега. Затворот, познат како „црногорскиот Алкатраз“, бил познат и како остров на змиите.
Во 1968 година, околината на езерото била прогласена за најголемиот национален парк во Црна Гора, со цел да се заштити прекрасната природа. Неизбежна е и посетата на реката Црнојевица, која е една од најпознатите и најстарите реки во тој дел на Црна Гора. Ќе ве освои за миг, затоа што има единствен амбиент и тишина, кои ви дозволуваат да уживате во целост.