Со оглед на тоа дека се ближат новогодишните и божиќните празници, многумина од нас сакаат токму тој период да се прошетаат низ Европа или светот и да посетат некои свои роднини или едноставно да видат некои големи метрополи. Сепак, за тоа ви се потребни авио-билети, а ние ви нудиме неколку совети, кои доколку ги примените ќе добиете поевтини карти.
Имајте на ум дека ако ја закажете картата 53 дена пред да летате, ќе заштедете 26% од целосната цена. Токму ова го потврди едно истражување од една веб страница за патување. За намалување на цената може да придонесе и датумот, денот и закажувањето во временски интервали.
Најевтини се летовите во вторник и среда, додека најскапи се во сабота. Оние кои летаат во сабота, ги купуваат картите поскапи за 11.5%. Летовите кои се одвиваат меѓу 6 и 12 часот исто така се поевтини од оние попладневните. Најчесто се патува меѓу 10 и 3 часот по полноќ, па тие летови обично се поскапи за 6%.
Друг фактор кој е исто така важен е и месецот во кој летате. Најскап за летање е летниот период од јуни до август, бидејќи тогаш е летниот училиштен распуст.