Познатиот авантурист Жак Кусто му помогна на Белизе да се претвори во права туристичка атракција, кога во 1971 година ја претстави Големата сина дупка како едно од најубавите места за нуркање на светот.
Оваа сина дупка се наоѓа во средината на Белизевиот корален гребен, на десетина километри од крајбрежјето. Совршениот круг со кристална сина боја настанал поради рушење на морското дно за време на ледената доба кога на тоа место имало сув пештерски систем исполнет со сталактити и столбови. Во периодот од 10.000 до 150.000 години, дупката се рушела барем четири пати. Секој пат кога нивото на океанот се подигнувал, по една пештера се исполнувала со вода, а дното станувало сè подлабоко.
Поради процесот на создавање, дупката добила прекрасна боја, која привлекува бројни посетители од целиот свет, а нуркачите ја истражуваат не само убавината, туку и разноликоста на морските животни кои се населуваат.