Антарктикот се смета за најладното, најмирното и веројатно најмагичното место на Земјата. За некои патувањето на овој ненаселен континент е животна туристичка дестинација на која не би се осмелиле да одат, додека за други е многу лесно да се посети.
Три дена на брод и средба со брановите високи и до десет метри, екстремно ниски температури од кои може да ви замрзнат и трепките, се само некои од условите со кои туристите се среќаваат на патот до ова место. Патувањето до Антарктикот не е воопшто евтино и не е за оние со слабо срце.
Еден турист кој само што се вратил од патувањето, вели дека поминал 12 денови патувајќи околу Антарктикот и тоа дека го чинело 6.825 фунти, вклучувајќи и меѓународни и внатрешни летови.
- Моето патување почна во Лондон, па преку Амстердам, Буеност Ариес и конечно слетавме во Ушуај, најјужниот град во светот. Патував сам, потполно свесен дека 80% од патувањето ќе го поминам на брод, затоа не сакав да се социјализирам. Просечната старост на патниците на бродот беше 50 години, изјавил туристот.
Бродот бил дизајниран на тој начин што столиците и креветите биле прицврстени со синџири за да не паѓаат секогаш кога бродот ќе се најде под агол од 90 степени. Инаку, просечната годишна температура во внатрешноста на копното изнесува -55°С. Просечната месечна температура варира во зависност од должината на денот. На регионот источно од антарктичкиот гребен на 10 август 2010 година, била измерена температура од -93.2°С, што за сега е измерена најниска температура во природата на Земјата.