Атракција во Португалија: Невообичаен премин во подводниот свет

Вирот Covao do Conchos веќе повеќе од 60 години зачудува, но и фасцинира со својот изглед. Изгледа како премин во свет под површината за земјата.

Планината Serra de Estrella во Португалија има неверојатен водопад, но изграден од човекот. Станува збор за хидроелектрана која е изградена во далечната 1955 година и всушност служи за „вшмукување“ на водата од езерото до браната Lagoa Comprida.



Иако не е создадено од природата, тоа не е причина за да не му се восхитувате. Тоа го сфатија и бројни туристи планинари, кои и покрај тешкиот пат кој води до него, не отстапуваат од намерата да го видат. Доколку патот ве води накај Португалија немојте да се двоумете, туку упатете се кон оваа планина, затоа што тоа најверојатно ќе ви биде едно од најдобрите места кои сте ги посетиле во таа земја.