Палаван островот во Филипини по втор пат беше прогласен за „најубав“ во светот од страна на Travel + Leisure. Првиот пат тоа се случи во 2013-та година, а магазинот не штедеше пофални зборови за природните убавини кои ги нуди овој „тропски рај“.
Островот е познат по недопрената дождовна шума и тивките плажи со прекрасен песок и тиркизно чиста вода. Самиот остров е дом на мал број на Филипинци, и не е „окупиран“ од туристи.
Но, што треба да се знае за Палаван островот?
1. Има неверојатен морски живот
Според организацијата за нуркање, Палаван е дом на 120 различни видови на корали и 800 видови на ретки егзотични риби, а таму има и безброј потонати бродови од минатото што го прави прекрасна нуркачка дестинација.
2. Таму ќе ја најдете најдолгата подводна река
Според УНЕСКО под планините на самиот остров тече најдолгата подводна река во светот. Нејзината должина изнесува 8 километри и е лоцирана во националниот парк Св. Пол.
3. Тоа е и супер дестинација за холивудските студија
На Палаван веќе беа снимани филмовите The Bourne Ultimatum, а и неколку од James Bond филмовите, но тоа е и една од омилените дестинации на ѕвездите како Мадона и Бред Пит.
4. Покрај морски живот ќе најдете и фантастичен сафари живот
Calauit сафари паркот на островот има заштитен резерват на диви животни во кој можете да погледнете стотици животни во нивната природна средина.
5. Ако ве интересира антропологија, тоа е дестинацијата за вас
Остатоци од еден од најстарите Хомо сапиенс беа пронајдени во Tabon пештерата на Палаван островот. Тие датираат од пред 47.000 години.