Хенрик Јепсен е 27 годишен Данец, кој започнал да оди на патувања низ светот, затоа што бил инспириран од географските документарци. Првобитниот план му бил да помине 50, па 100 земји, а потоа и целиот свет. Своите планови успешно ги исполнил, а на својот блог објавил и одговор на прашањето кое најчесто му го поставувале, кои земји се најевтини и најубави за патување.
Јужноафриканска република
Причините зошто оваа земја му е меѓу најомилените се различни и тоа почнуваат од разновидноста на луѓето, до градовите, природата, животните, но и достапноста буквално на сè.
Нов Зеланд
Се работи за исклучително безбедна земја која се исплаќа да се прошета и повеќе пати.
Италија
Фантастична храна и култура, а особено има убава природа.
Малдиви
Најдоброто место на светот за опуштање. Во Малдиви има приватни одморалишта, каде што има фантастични вили, а водата овозможува неверојатно искуство.
Вануату
Едно од најсимпатичните острови на Пацификот, со пријателски настроени луѓе и прекрасни плажи.
Руанда
Оваа земја му била најголемо изненадување на Хенрик. Покрај на далеку распространетиот лош имиџ, Руанда е убава, безбедна, добро организирана земја со одлична инфраструктура. Со автобуска карта од 5 долари ја поминал целата земја.
Палау
Една од најмалите и веројатно најбезбедните земји на светот, а воедно и земјата во која најлесно се прави автостоп. Место на оваа листа заслужила и поради прекрасните плажи и природа.
Тајланд
Земјата на насмеаните луѓе заслужила место на листата само поради своите симпатични и пријатни жители.
Освен наведените земји, Хенрик ги истакнал и Шведска, Лаос, Бутан, Јапонија, Фуџи, Естонија, Намбија, Боцвана и САД.