Сент Лусија е единствената земја во светот која е именувана по жена. Малечкиот остров во Карибите е именуван од страна на Французите по Света Луси, христијанска маченица.
Французите биле првите кои го населиле овој остров во 15-от век, и се до 19-от век тој бил француска колонија. Англиските освојувачи подоцна го превземале од Французите откако станал атрактивна дестинација но и голем извозник на шеќерна трска. И иако се верува дека Кристофер Колумбо никогаш не стапнал на островот, тој заедно со неговиот брод поминал покрај него.
Островот е долг 43 километри, 22 километри широк и според голем дел од туристите можеби најубавиот во Карибите. Англискиот јазик е уште официјален јазик, но голем дел од населението го зборува креолскиот и францускиот јазик.
Ако сте во Soufriere, во близина ќе ги најдете двата вулкански врвови наречени „питони“ а таму се и најголемите туристички одморалишта, егзотични хотели и резорти.
Jade Mountain е можеби најпознатиот од тие резорти со 24 апартмани попознати како „засолништа“. Секое од нив има поглед кон прекрасната кристална вода, нуди приватности и често можете да ги најдете како омилена дестинација на најпознатите славни личности.
Таму тие нема да бидат малтретирани од папараци, фанови и можат глатко да се движат низ руралната област. Исто така Сент Луција е популарна дестинација и затоа што е релативно поефтина од останатите острови во Карибите како Белизе, Доминиканска република, Тринидад и Тобаго, Барбадос....