Кога патуваме некаде секогаш мислиме дека сè ќе помине во најдобар ред и поради еуфоријата не размислуваме премногу. Всушност, треба да сме подготвени на поголеми проблеми, особено ако патуваме во Европа. Со цел патувањето да помине во најдобар ред, еве на што треба да обрнете поголемо внимание.
Не очекувајте дека кредитните картички ќе може да ги користете секаде
Секако дека со кредитни картички ќе може да плаќате во продавници и ресторани, но во некои кафе барови и продавници за сувенири можеби нема да имаат апарат. Затоа, со себе секогаш имајте готовина, а така ќе ви биде и поедноставно.
Облекување
Ако знаете дека тој ден ќе одите во посета на храмови и цркви, понесете нешто со долги ракави, бидејќи во повеќето не дозволуваат да се влегува со голи раменици.
Тргнување на првата тура на која ќе налетате
Ако веќе сте одлучиле да правите тура низ градот, без разлика дали со автобус или преку прошетка со водич, распрашајте се пред тоа која е добра. Се нуди буквално се, па треба да внимавате да не налетате на некоја скапа, која не нуди ништо особено.
Не очекувајте бесплатна вода
На многу места ќе ви даваат вода бесплатно, но немојте да се изненадите ако ви ја наплатат неколку евра.
Учење на основни зборови на јазикот на земјата во која одете
Убаво е да се потрудете да научете по некој збор како што се „благодарам“, „ве молам“ или „добар ден“ во земјата каде што одите. На тој начин ќе покажете почит кон домаќините, а ова би било посебно од корист во помалите места, каде што мештаните не знаат многу англиски.
Носење на преголем куфер
Заборавете на тоа и земете една патна торба со нормална величина. Бидете рационални, бидејќи не ви треба многу облека за неколку дена.