Доколку сакате да одите на неповторливо крстарење, а немате идеја на кое, тогаш имаме листа со предлози за вас.
1) Disney
Оваа линија е идеална за фамилии, бидејќи го пренесува целосното Дизни искуство – појава на познати карактери, програма наменета исклучиво за деца и екскурзии до нивниот приватен остров на Бахамите, наречен “Castavay Cay”.
Бродовите собираат во просек по 4000 патници, а во зависност од временските прилики пловат низ Медитеранот, мексиканската ривиера, Норвешките фјордови и сл. Уникатни за овие линии се тематските настани како „Star Wars ден„ или “Frozen забави“
2) Cunard
Бродовите на Cunard вклучуваат формални вечери кај што црната вратоврска е задолжителна, сали за танц со оркестар, попладневни „чајанки„ и слични „фенси„ случувања.
Најголемиот брод од оваа линија е познатиот Queen Mary 2, кој има капацитет од 2600 патници, сопствен планетариум, а е и единствениот брод за крстарење кој дозволува домашни миленичина. Кучињата, на пример, имаат сопствени играчници и декови за шетање.
3) Princess
Оваа линија е дел од серијата Love Boat која се емитувала во доцните 70-ти и 80-ти, па така на нејзините бродови има 24 часовно емитирање на епизодите.
Линијата нуди најнови бродови на кои се прави сопствено пиво, специјални менија дизајнирани од Chef Curtis Stone, и „SeaWalk” – простор за шетање поставен врз водата, направен од стакло.
4) Celebrity Cruises
Оваа линија плови низ најомилените региони за крстарење, вкучувајќи ги Карибите, Медитеранот, и околината на Алјаска. Дури 85% од кабините на нејзините бродови имаат балкони, а на самиот врв има тревници од природна трева, со лежалки и скара. Во внатрешноста на овие бродови се наоѓаат уметнички дела во вредност од 60 милиони долари.
5) Norwegian Cruise Line
Иако бродовите на оваа линија патуваат насекаде низ светот, најпознат е Breakaway кој патува од New York , и е специфичен по шарениот дизајн. Нивниот најнов и најголем брод е наречен Escape, и меѓу другото вклучува и област од апартмани наречена „брод-во-брод“ , со приватен базен, ресторан, консиерж и батлер сервис.