Сакате празниците да ги поминете што е можно подалеку од дома, но немате доволно пари? Не треба да очајувате, затоа што понекогаш и со мал буџет, ако го испланирате правилно, може да си поминете прекрасно и авантуристички. Колку за почеток, ви нудиме неколку совети.
Нискобуџетни летови
Цената на патувањето може да се преполови ако пронајдете евтини авио билети или ако ги купите порано. Атрактивните поволни летови и акциски цени на редовните компании може да ви помогнат при одлуката ако уште трагате по идеалната локација.
Поволно сместување
Кога веќе ќе одлучите за правецот во кој ќе се упатите, време е да резервирате сместување. За да пронајдете некое кое ќе биде пристапно за вашиот буџет, побарајте некое кое воопшто не е луксузно, туку само уредено и поволно сместување. Имајте на ум дека на патувањето најмалку време поминувате во соба, бидејќи повеќе ќе сакате да го доживеете градот отколку собата. Исто така, може да престојувате и во некој хостел, каде што ќе запознаете многу личности и ќе размените безброј искуства.
Аранжмани
Кога резервирате патувања, распрашајте се за достапните аранжмани. Во нив често се вклучени превозот и сместувањето, а многу патувања може да ги купите и со first или last minute понуди, па на тој начин може многу да заштедите.
Плаќање на рати
Наместо да штедите со месеци за зимски одмор, заминете на патување веднаш, со што патувањето ќе го плаќате на неколку рати. На тој начин нема многу да го почувствувате трошењето.