Во 80-тите години, одењето во пензија е последната работа која и паѓа на памет на стјуардесата Бет Неш. Таа работи како стјуардеса скоро 60 години и тоа во истата авио-компанија.
На 21 година, почнала да работи за Easter Airlines, денешен American Airlines, кога Двајт Ајзенхауер бил претседател. Авионските карти во тоа време чинеле само 12 долари, а резервациите не биле потребни.
- Мојата омилена приказна ги вклучува сите можности за помош на нашите клиенти и чувствувам дека мојата работа ме става во позиција да имам особено внимание и љубезност, изјавила Бет.
Сега, на својата дневна релација Вашингтон-Бостон, се качуваат патници кои ја поздравуваат со прегратка како да се стари пријатели.
- Ги сакам сите наши постојани гости и ме исполнуваат новите. Вистински уживав во безбројните интеракции со патниците и има многу работи кои треба да се прераскажат, изјавила стјуардесата.
Во времето кога почнала да работи, стјуардесите служеле јадење со бели ракавици, а на луѓето им било дозволено да пушат за време на летот. Иако авио-индустријата во целост се променила, Бет се уште си ја сака работата. Најшокантно и било кога видела колку многу се менува технологијата, на која што морала и таа да се прилагоди.