National Geographic објави долга листа на најубави плажи низ светот, а еве дел од нив:
1) Playa del Amor, острови Мариета, Мексико
Оваа „скриена плажа“ е опкружена со импресивен карпест прстен низ кој има прекрасен видик на сонцето и облаците. Оваа плажа може истовремено да ја посетуваат максимум 6 посетители и тоа само преку одобрени тур-оператори.
2) Плажа на катедралите (Cathedrals Beach), Шпанија
Името го добила поради високите карпи кои личат на готските катедрали, а плажата смее да се користи само за време на осеката, бидејќи кога ќе надојде плимата таа е во поголем дел под вода.
3) Anse Source d'Argent, Сејшели
Со огромните карпи, тиркизна вода, снежно бел песок и палми, оваа плажа изгледа како холивудски филмски сет, па не е ништо чудно што често пати е рангирана како најфотографирана плажа во светот
4) Плажата на школките (Shell Beach), Западна Австралија
На работ на континентот, плажата на школките е дел од Заливот на ајкулите кој е прогласен од UNESCO како светско наследство и е составена од неброено многу бели школки. Тука се наоѓа и ресторан кој е изграден исклучиво од школките од оваа плажа.
5) Папаколеа, Хаваи
За да се стигне до неа потребно е пешачење од некои 3 километри, но патот дефинитивно вреди. Плажата има специфична зелена боја, благодарејќи на малечките кристали наречени оливин, кои се наоѓаат во околните стари карпи.
6) Кас Абао, Куракао, Кариби
Оваа плажа е рај за нуркачи – изобилува со корали, тропски риби, сунѓери, морски желки и др.
7) Корниче, Франција
Corniche е највисоката плажа во Европа (108m), широка е 500m а долга 2,6km. За најубав видик, се препорачува 10-минутното летање со параглајдер.