Рим е еден од градовите во Европа со најбогата историја. Од Колосеумот, па сѐ до спомениците, градот живее во неверојатен дух измешан со модерното време.
Една од најубавите фонтани се наоѓа токму во овој град. Се работи за фонтана Треви, која била изградена во 1700-тите години. Доколку не сте ја посетиле, спремајте се за истото, бидејќи ќе ви го одземе здивот кога ќе ја видите. Но, пред да ја посетите, откријте неколку тајни.
Фонтаната е еден од најстарите извори на вода во Рим
Треви фонтаната лежи на три патишта и два стари водоводи. При градењето во 19 век, водоводите ги нарекле како убава девица која што им дозволила на жедните војници да пијат од изворите. Подоцна токму од овие водоводи се снабдил цел Рим со вода.
Архитектот починал уште пред да ја заврши фонтаната
Исто како и црквата Саграда Фамилија во Барселона, оригиналниот архитект на фонтаната Треви, Никола Салви, починал уште пред да го виде своето дело.
Во 1730 година, кога Папата Клемент XII наредил натпревар во кој ќе го најдат архитектот на фонтаната, Салви изгубил од Алесандро Галилеј. Сепак, на граѓаните на Рим не им се допаднало тоа што Галилеј победил и на крај проектот заминал во рацете на Салви. Изградбата почнала во 1732 година, но тој починал во 1751 година. Потоа делото го преземал скулпторот Пиетро Брачи, кој го завршил во 1762 година.
Монетите кои што се фрлаат во фонтаната се собираат за добротворни цели
Филмот „Three Coins in the Fountain“ од 1954 година вовел традиција на фрлање монети во фонтаната Треви. Легендата вели дека ако фрлите монета со десната рака над левото рамо, повторно ќе се вратите во Рим, додека ако фрлите и втора монета, ќе ја запознаете вашата љубов. Третата фрлена монета значи свадба!
Сепак, Римската католичка црква ги собира монетите и ги донира во добротворни цели. Тие собираат околу 3.000 евра дневно!