Градските власти во Париз најавија дека околу Ајфеловата кула ќе подигнат два и пол метри висок ѕид од непробојно стакло. На овој начин, ќе биде заштитена кулата од можни терористички напади.
Ѕидот е проект вреден околу 300 милиони евра, кој започна да се гради уште минатиот месец, а целта е да се зголеми безбедноста, да се модернизира објектот и да се унапреди квалитетот и удобноста на посетата на оваа најголема француска знаменитост.
Французите ја разбираат оваа потреба, но сепак сметаат дека кулата ќе изгледа само како една тврдина.
Ајфеловата кула свечено е отворена во 1889 година, а годишно ја посетуваат 6 милиони луѓе. Последните две години, Франција е мета на серија терористички напади во кои починаа 238 личности, а неколку стотици се ранети. Последниот напад се случи на 3 февруари во галеријата Карусел, подземниот дел на комплексот на музејот Лувр, кога 29-годишен Египќанец ја нападна воената парола и ги рани со четири удари.