Една од најпосетуваните дестинации, веќе го изгуби својот публицитет. Градот Париз се уште е сечија желба, но кога ќе размислиме за нашата безбедност, подобро ни е да се насочиме кон некое посигурно место.
Минатата година, токму оваа престолнина на Франција забележала пад од 1,5 милиони туристи поради опасност од терористички напади, протести, нереди и поплави. Се проценува дека Париз со ова изгубил неверојатни 1,3 милијарди евра!
Хотелите во Париз забележуваат пад од 4,7% на гостите во однос на 2015 година. Она што е загрижувачко е фактот дека туристите од Јапонија кои го посетувале овој град се намалиле за дури 41,2%, од Русија за 27,6%, од Кина за 21,4%, од Италија за 26,1%, од Британија 8,6% и од Шпанија 9,9%.
Париз годишно го посетуваат 30 милиони туристи, а токму поради тоа овој град стана мета на терористите од 2015 година, во чии напади загинаа 238 луѓе.