Белиот песок и рајските плажи веднаш нè асоцираат на Карибите, така да никогаш не би ни помислиле дека такви острови постојат и на друго место. Но, корални гребени, желки, животинки и неверојатни плажи може да се видат на многу други места. Во прилог, ви предлагаме неколку острови во Европа кои што ќе може да ги посетите, кога ќе бидете во можност.
Султ, Германија
Верувале или не и Германија има со што да се пофали во оваа категорија. Островот Султ е најголем и најсеверен остров, а го краси долга песочна плажа. Овде летата се топли, а во последно време се повеќе уметници се насочуваат кон негова посета.
Островите на принцезите, Турција
На само неколку километри од Истанбул, сместени се Островите на принцезите на кои автомобилите се забранети, плажите се чудесни, па преку лето ова е одлично место за да избегате од градската врева и гужвите. Кога веќе сте овде, освен уживањето во морето, може да ги разгледате црквите од 6ти век и да шетате низ островите на коњ.
Кавало, Франција
Малиот остров со моќно име, се наоѓа недалеку од популарниот Корзика. Овде ви се загарантирани мирот и тишината, но и дискрецијата, бидејќи на овој остров се наоѓа само еден хотел, пристаниште, два едноставни ресторани и десетина плажи.
Островите Циес, Шпанија
„Шпанските Кариби“ е прекарот по кои се познати овие острови. Кога ќе стигнете таму веднаш ќе ви се разјасни зошто потсетуваат на Карибите, а една од најголемите убавини се тамошните плажи. За останатите ќе треба да откриете сами.