Можеби веќе уплативте некој аранжман за летниот одмор или пак уште размислувате. Како и да е, добро е да знаете како да не потрошите многу пари на летувањето. Токму следните трикови ќе ви ги задржат парите, кои ќе може да ги потрошите на попаметни работи.
Алтернативен правец во сообраќајот
Ако сакате да заштедите на патарини, упатете се по стари патишта наместо по автопат.
Избегнувајте ги скапите ресторани и кафе-барови
Добро е познато дека многу угостителски објекти на крајбрежјата се навистина скапи. Поради тоа, избирајте некои поевтини опции.
Не изнајмувајте лежалки и чадори за сонце
На плажа се оди добро подготвен. Земете си од дома лежалки и чадори, за да не мора секојдневно да „фрлате пари“ на тоа.
Земете храна и пијалак со вас
Многу барови на плажите нудат јадења и пиења, кои не се така евтини. Затоа подгответе си овошје и сендвичи од дома и редовно носете шише вода.
Не купувајте на тезгите
Можеби ви изгледа дека се мошне евтини, но ако постојано купувате нешто од тезгите, верувајте дека малку по малку ќе ви отидат сите пари на ситници. Затоа избегнувајте ги тезгите на плажа.