Брендан Сибрехт, дипломиран студент по архитектура од Универзитетот од Невада, Лас Вегас, ја добил овогодинешната прва награда Radical Innovation Award од натпреварот за имагинативни дизајни на хотели, на кој учествувале над 65 проекти од 24 земји.
Тој дизајнирал нешто што се вика Hyperloop Хотел, систем кој би вклучувал транзит и хотелски престој во неколку разни градови во САД.
Ваквите хотели би биле изградени на 13 локации и би биле поврзани со Hyperloop системот.
Hyperloop, инаку, е концепт за првпат претставен од Елон Маск во 2013 и претставува систем за транспортирање составен од возила-подови кои би се движеле низ цевка со редуциран притисок.
За цена од $1200, гостите во Hyperloop хотелот би можеле брзо да патуваат помеѓу мрежата од градови, за целото тоа време не напуштајќи ја својата соба. Цената за едно ноќевање не била спомената. Апартманите би биле направени од пренаменети контејнери за превезување товар, кои би изгледале луксузни и би вклучувале канцеларија, дневна соба со телевизор со рамен екран, спална соба и купатило.
Секој од овие модуларни хотели би чинел околу 10 милиони долари за изградба (значи целиот проект би бил околу 130 милиони долари), во зависност од локацијата. Сè уште не постојат конкретни планови за изградба, бидејќи технологијата и инфраструктурата потребни за тоа сè уште не постојат.
Сибрехт смета дека реализирањето на овој концепт би било возможно во наредните 5 до 10 години.