Ерменија е мала земја, често заборавена од страна на туристите. Можеби причината за ова е тоа што се наоѓа покрај големата и импресивна Турција, која ја става во сенка?!
Жителите на Ерменија се едни од најпријателските луѓе во светот. Немојте да се изненадите од понудената помош на жителите, кои бесплатно ќе ве превезат до некој град во близина. Тие се едноставно весели што доаѓаат странци да ги посетат. Не треба да се грижите дали ќе бидете мета на крадци затоа што нивото на криминал во земјата е многу мало. Таму никој не ги заклучува вратите од автомобилот, а многумина дури и ги оставаат клучевите внатре.
Она што е интересно е и дека тие увезуваат многу малку намирници, бидејќи ги консумираат локалните, кои се постојано свежи. Каде и да отидете, ќе ве пречекаат со домашни џемови, мармелади и свеж леб. И тие се едни од оние земји кои прават многу добро домашно вино, па немојте да се зачудите ако насекаде пиете од нивното вино, бидејќи многу ќе ви се допадне.
Некои од локалитетите во Ерменија се стари 6000 години, а планинските врвови покриени со снег, веднаш ќе ве освојат.
Ова е една од најубавите сиромашни земји на нашата планета, па верувајте дека не треба да имате длабок џеб за да ја посетите. Сѐ што ви треба е желба и резервација на авионски билет.