Доколку не сте биле во Дубаи подгответе се за градот на екстремностите.
Дубаи е домот на највисоката зграда во светот,најголемиот шопинг центар и затворен ски центар. Изобилува со различни ресторани погодни за секоја нација во светот и посебни плажи за со бикини и за со бурка.
Еве неколку работи кој топло ви ги препорачуваме да ги погледнете доколку Дубаи е вашата следна туристичка дестинација:
Додека сте во градот:
Burj Kalifa е највисоката зграда не само во Дубаи туку во целиот свет. Видлива е речиси од секое место во градот и доколку нема врнежи и силни ветрови можете да ја видите и од далечина на 95 км. Во неа се наоѓа најголемиот шопинг центар и најголемата фонтана со музика. Не го пропуштајте широкиот спектар на ресторани каде што може да се понудат највкусните деликатеси.
Каде да престојувате?
Дубаи е познат по огромните хотели-палати со 5 ѕвезди и приватните плажи кои се многу раскошни, но истовремено е отворен и за сите туристи со различен буџет. Кога се споменува престојот , речиси невозможно е, а да не помислиме на Bujl Al Arab хотелот направен од злато, кој многу придонесе за славата на самиот Дубаи. Сепак можете да најдете убаво сместување и за помали пари.
Градски превоз
Метрото во Дубаи е одлично и многу евтино ,со одличен редослед на линии од аеродромот до многу локации низ градот. Со истата картица која се купува на метроата можете да се возите и во трамвај и во автобуси. Таксито е прилично скапо и најчесто можете да го најдете пред трговските центри или хотели. Можеби побрзо ќе пристигнете до саканата локација со такси но во часовите на метеж во сообраќајот се препорачува да го користите метрото.