Кога се оди на семеен одмор, мора да се земе в предвид дека сите треба да се задоволни од локацијата, што значи треба да се одбере вистинското место.
Еве кои се најдобрите дестинации за семеен според сајтот booking.com, селектирани од над 90 милиони рецензии од неговите корисници.
1) Антигва Гватемала, Гватемала
Овој малечок и убав град е стар 500 години, преполн со шарена шпанска колонијална архитектура. Од една страна на градот видикот е врз вулканите кои го опкружуваат, што е одлично за активните фамилии кои претпочитаат планинарење и пешачење.
2) Уклуле, Канада
На полуостровот Уклуле во Британска Колумбија, фамилиите можат да уживаат во кампување, планинарење, возење кајак, бродови и сурфање на бранови. Популарна фамилијарна атракција е и големиот Уклуле аквариум кој се наоѓа тука.
3) Саленто, Колумбија
Наречен и „градот на кафето“, Саленто сè повеќе станува една од врвните туристички дестинации во Јужна Америка. Местото е пријателски расположено кон туристите и е дом на полно ресторани кои нудат локални специјалитети. Може да се посетат и плантажите за кафе како и да се јаваат коњи низ колумбиските шуми.
4) Ел Чалтен, Аргентина
Ел Чалтен ќе го обожаваат фамилиите кои сакаат авантури, бидејќи во летото тука може да се посетат некои од нај епските планински патеки за планинарење пред зимата да ги запре поголемиот дел од локалните начини за транспорт.
5) Фернандо де Нороња, Бразил
Овој вулкански архипелаг на брегот на Бразил е познат по природните убавини и најчесто е посетен од парови кои таму решаваат да го поминат медениот месец, но и од фамилии кои сакаат да уживаат во релаксирачкиот пејзаж.